நீங்களும் பேசலாம் இங்கிலீஷ்

நீங்களும் பேசலாம் இங்கிலிஷ்!

(விரைவில் கிழக்கு பதிப்பகத்தின் மூலம் வெளிவரும் என் புத்தகத்திலிருந்து Vowels பற்றிய கட்டுரை)

         U எல்லாம்  VOWEL ஆகுமா

உ ஷா மேம் மாடி போர்ஷனில் எட்டிப் பார்த்த போது, ஷிவானிக்குத் தமிழ் கற்றுக் கொடுத்துக் கொண்டிருந்தாள் கோமதி. ‘‘வாங்க ஆன்ட்டி.. ஷிவ்வுக்கு உ, ஊ-வே சரியா வர மாட்டேங்குது. யு..யூ-னு சொல்றா..” என்ற கோமதியின் கம்ப்ளெயின்டைக் கேட்டு மேமுக்கு சிரிப்புதான் வந்தது. ‘‘கோமு! இந்த உ, யு குழப்பம் இங்கிலீஷ்லகூட இருக்கு!’’ என்று மேம் சொல்லவும், ‘‘கொஞ்சம் இருங்க ஆன்ட்டி.. வித்யாவுக்கு ஒரு ‘மிஸ்டு கால்‘ குடுத்துட றேன்!’’ என்று கோமதி தர, பதில் ‘மிஸ்டு காலு’ம் வந்து விட, அடுத்த பத்தாவது நிமிஷம் வித்யாவும் ஆஜர்! ‘‘வித்யா! ஆன்ட்டி இன்னிக்கி உ, யு குழப்பம் பத்தி சொல்லப் போறாங்க.’’ ‘‘கோமு! அந்தக் குழப்பம் தீரனும்னா நீங்க nouns பத்தி நல்லா தெரிஞ்சிக்கணும்.. அப்புறம்தான் அது தெளிவாகும்’’ என்ற மேம், வித்யாவிடம், ‘‘வித்யா! nouns -ல முக்கியமா ரெண்டு வகை இருக்கு. உனக்குத் தெரிஞ்சா சொல்லேன்’’ என்றார். ‘‘மேம்.. Proper noun, Common noun -னு ரெண்டு வகை இருக்கு. Common noun பிரிஞ்சி collective noun, abstract noun -னு வரும்.’’ ‘‘வெரிகுட். Proper noun எப்பவுமே Capital letters -ல ஆரம்பிக்கும்.  Nalini, Salma, Josephine (persons)  Chennai, Newyork (places)  the Cauveri, the Nile (rivers)  the Everest, the Alps (mountains). அப்புறம், பொதுப் பெயர்கள் boy, city, tree, table. . இப்படி Common noun -ஆ வரும். abstract noun -ங்கிறது புரிஞ்சிக்க முடியும், ஆனா, அதை விவரிக்க முடியாது. உதாரணமா, sugar எப்படி இருக்கும்னு தெரியும். அதனோட sweetness -ஐ உணரத்தான் முடியும். விவரிக்க முடியாது. music, happiness, childhood, judgement இந்த வார்த்தைகள் எல்லாம் abstract noun -தான்.’’ ‘‘ஆன்ட்டி! nouns இல்லாம நம்மால பேச முடியாது போலிருக்கே..’’ ‘‘கரெக்ட். A noun is a word to name or identify things, people, places or ideas . நீங்க countable noun, uncountable noun பத்தியும் தெரிஞ்சுக்கணும்.’’ மேம் தொடர்ந்தார்.. ‘‘ tree, table.. இதெல்லாம் countable nouns . ஏன்னா two trees, five tables- -னு எண்ணிக் கையில சொல்ல முடியும். ஆனா, milk, waterரெண்டும் uncountable nouns . அவற்றை எண்ண முடியாது. two milks, five waters -னு சொல்ல முடியாது.’’ ‘‘மேம்.. collective noun எப்படி இருக்கும்?” ‘‘நல்ல கேள்வி கேட்டே வித்யா.. family, army, team, group.. இதெல்லாம் collective nouns . நாலைஞ்சு சாமான்கள் சேர்ந்தா அதைfurniture -னு சொல்றோம். அதுவும் collective noun- தான். நிறைய கருவிகள் சேர்ந்தா அதை equipment னு சொல்றோம். இந்த ரெண்டுக்கும் பன்மையில s சேர்க்கக்கூடாது. அதாவது furnitures, equipments -னு சொல்லக்கூடாது.” ‘‘ஆன்ட்டி.. இந்த உ, யு குழப்பம் பத்தி..’’ என்று இழுத்தாள் கோமதி. ‘‘விட மாட்டியே! சொல்றேன்.. சொல்றேன்.. வித்யா! Vowels எவைனு சொல்லேன்..’’ ‘‘நானே சொல்றேன் ஆன்ட்டி.. a,e,i,o,u. ’’ ‘‘நிறைய பேர் இப்படித்தான் சொல்வாங்க. ஆனா, ‘யு’ வந்து Vowel கிடையாது!’’ என்று ஒரே போடாய் போட்ட மேமை இருவரும் திகைப்புடன் பார்த்தனர். ‘‘மேம்.. யாரைக் கேட்டாலும் Vowel -னா a,e,i,o,u தானே சொல்றாங்க..’’ என்று வித்யாவும் சொல்ல, ‘‘நாமெல்லாரும் Vowels ஐ எழுத்தா பார்த்துத்தான் பழகி இருக்கோம். அதை எப்பவும் sound -ஆதான் பார்க்கணும். ஏன்னா, உன் கண்ணே உன்னை ஏமாற்றும்!’’ என்ற மேம் தொடர்ந்தார்.. ‘‘ Vowels லிஸ்டுல யு-வை சொல்லக்கூடாது. ஏன்னா, ‘யு’ வந்து உயிர்மெய் எழுத்து..’’ ‘‘மேம்! it’s an umbrella -னு சொல்றோம். அப்ப ‘ u ’ வருதே’’ என்று இன்னும் தன் சந்தேகம் தீரவில்லை என்பதுபோல் முகத்தை வைத்துக் கொண்டாள் வித்யா. ‘‘நீ சொன்ன umbrella -வில ‘ u ’ வந்து ‘அ’-னுதானே உச்சரிக்கப்படுது? ‘அ’ ஒரு Vowel வித்யா! இங்கிலீஷ்ல articles -னு எதைச் சொல்றோம்?’’ ‘‘ a,an, the -னு படிச்சிருக்கேன் மேம்.” ‘‘குட். the பத்தி அடுத்த கிளாஸ்ல சொல்றேன். இப்ப a, an ரெண்டையும் எப்படி noun -க்கு முன்னாடி போடணும்ங்கிறதைப் பத்தி தெரிஞ்சிக்கலாம்.’’ ‘‘ a,an ரெண்டும் Singular noun -க்கு முன்னாடி போடணும், மேம்.” ‘‘இன்னும் specific -ஆ சொல்லு.’’ ‘‘இந்த an வந்து Vowel -ல ஆரம்பமாகிற noun முன்னாடி போடணும்.’’ ‘‘கோமு! வித்யா சொன்னதை உதாரணங்களோட சொல்ல முடியுமா?’’ ‘‘an ant, an orange, an elephant.’’ ‘‘குட்..’’ என்று சொல்லிவிட்டு, வித்யாவின் நோட்டை வாங்கி மடமடவென்று எழுத ஆரம்பித்தார் மேம். அதில் - urgent work, useful tip, hour, horse, honest, European என்ற வார்த்தைகளை எழுதிவிட்டு, ‘‘இந்த வார்த்தைகளுக்கு a, anஅல்லது போட்டு வாக்கியங்களை எழுதுங்க..’’ என்று அவர்களைப் பணித்தார். கோமதியும் வித்யாவும் அந்த கிளாஸ் வொர்க்கைச் செய்தனர். அவற்றுக்கு மேம் சொன்ன விடைகள்..  It’s an urgent work.  It’s a useful tip.  I will come in an hour.  It’s a horse.  She is an honest woman  He is a European. மேம் தொடர்ந்தார்... ‘‘நான் கொடுத்த வார்த்தைகள்ல சிலதுக்கு முன்னால a வருது. சிலதுக்கு முன்னால an வருது. இதைத்தான் ‘உன் கண்ணே உன்னை ஏமாற்றும்’னு சொன்னேன். Sound- -ஐ பார்த்துத்தான் a அல்லது an போடணும். hour -ங்கிறதை ‘ஹவர்’னு சொல்லக்கூடாது. ‘அவர்’-னு தான் சொல்லணும். அதனால, h வந்து கூட a போடாம an போடறோம். அதே மாதிரி, ‘ஹானஸ்ட்‘ இல்ல. அது ‘ஆனஸ்ட்’. யுரோபியன், யூஸ்ஃபுல் ரெண்டும் ‘யு’ சவுண்டுல ஆரம்பிக்குது. ஆக, vowels sound -தான் முக்கியம். Vowels letters -ஐ பார்க்காதீங்க.’’ ‘‘மேம் honest, urgent, useful இதெல்லாம் adjective தானே?’’ ‘‘ஆமா வித்யா! adjective பக்கத்துல noun வருது இல்லையா? அதனால அதுக்கும் a அல்லது an போடணும். அடுத்த கிளாஸ்லthe -ங்கிற article -ஐ பார்க்கலாம். bye .’’ நுனி நாக்கு ஆங்கிலம் பேசலாமா? ed என்று முடியும் வார்த்தைகள்.. d அல்லது ed என்று முடியும் வெர்ப்களை உச்சரிக்கிறதுல மூணு விதம் இருக்கு. 1. p,k,s,ch,sh,f என முடியும் வெர்ப்களோடு ed சேரும் போது.. அதை ட்( t )-னு உச்சரிக்கணும். ( உ-ம் ) passed  past kicked  kikt tipped  tipt 2. b,g,l,m,n,r,v,z என முடியும் வெர்ப்களோடு ed சேர்ந்தா.. அதுக்கான உச்சரிப்பு - ட்( d ). (உ-ம்) called  kald rubbed  rubd turned  turnd 3. t,d என முடியும் வெர்ப்களோடு ed சேந்தா.. அதை இட்( id ) சவுண்டுல உச்சரிக்கணும். (உ-ம்) directed  directid rounded  roundid நீங்க சொல்லிப் பார்க்க...  She invited me with folded hands.  She picked and dropped the ball.